Menu Close

抗癌慈善跑 為生命勇士籌善款 ( 晴報)

抗癌勇士勇氣可嘉,黛安聽公關姊妹講,由癌症資訊網慈善基金主辦嘅「首屆越跑越友慈善賽」,噚日喺沙田科學園白石角海濱長廊開跑,吸引咗超過1,500位愛跑友參加,當中唔少係癌症康復者、治療中嘅病友同照顧者支持,認真厲害!

姊妹話,慈善賽分為10公里(個人組),3公里(個人組)及3公里(家庭組/朋友組),希望為癌症病人支援服務籌募經費,寓運動於行善。每位參與嘅生命勇士,都懷住一顆勇於面對挑戰嘅決心和無限意志,務求順利完成賽事。同場仲設有多個免費遊戲同資訊攤位等,包括小丑扭氣球,仲有唔少影相道具如「感激沿途有您!」、「日日運動身體好」等,大家參與遊戲嘅同時都可提升對癌症嘅認識,真係好有意思。

撰文: 黛安 消息特靈八卦公關
欄名: 八卦名利場

 

文章來自: 晴報

Posted in news